Cute Love Poem in Hindi For Him By a Girl

Woh suhane lamhe ab bhulaye nahi jate
Yaado k parinde yu hi udaaye nahi jate

Woh chhat par aana wo julfe lehrana
Sabhi pegaam likhkar bataye nahi jate

Woh bahana, saheli k ghar padne jana
Gali k chakkar ab aise lagaye nahi jate

Wo aangan mein aakar angithi jalana
Purane bahane to ab banaye nahi jaate

Mohalle ki shadi me saj-sanvar kar jana
Humesha toh ye jalwe dikhaye nahi jate

Woh kisi kone me chup kar aansu bahana
Aise ehsaas toh “Meet” karaye nahi jate

Sad Love Poem in Hindi By A Girl

Tere kareeb aur tujhse door hone ke baad,
Jaha jaha sath chale wo raaste dhoondti hu

Apne hatho ki lakeero me raato ko aksar
Tere hi naam-o-nishaan dhoondti hoon

Likhi ye kisne mobabbat-e-judayi zindagi me
Na jane kab se main tere didaar ko tarasti hu

Zindagi ki raaho me kuch es kadar kho gyi hu
Ke Khud ko hi bhuli or khud ko hi dhundti hu